සල්ලිකාර සිංදුකාරිගේ අළුත්ම ගණන් හිලව්

2014 වසරේ වැඩිම ආදායම් උපයන අමෙරිකානු ගායකයන් ගායිකාවන් හා කණ්ඩායම් අතර පළමුවැන්නා ලෙස ටේලර් ස්විෆ්ට් (Taylor Swift) ශ්‍රේණිගතවී තිබෙනවා. ඒ ඉකුත් වසරේදී උපයන ලද ආදායම අනුව සකස් කෙරුණු බිල්බෝර්ඩ් වර්ගීකරණයකදීයි. එම වසරේදී ඇය උපයා ඇති ආදායම අමෙරිකානු ඩොලර් මිලියන 40 (රුපියල් කෝටි 520) ට ආසන්න වනවා.එයින් වැඩිම කොටසක් අැය උපයාගෙන තිබෙන්නේ ලොව පුරා පැවැත්වූ ප්‍රසංගවල ප්‍රවේශ පත්‍ර අලෙවියෙන්. ගීත ඇලබම අලෙවියෙන් හා ගීත වෙනත් ආකාරවලට අලෙවි කිරීමෙන් උපයාගන්නා ආදායම ද මෙහිදී සලකා බැලෙනවා. මෙම වර්ගීකරණයෙන් මීට පෙර අංක 01 වී සිටියේ මැඩෝනා (Madona) යි. එහෙත් මෙවර පළමු 19 දෙනා අතරට හෝ පිවිසීමට මැඩොනාට හැකි වී නැහැ.

ටේලර් ස්විෆ්ට් (Taylor Swift) ට පසුපසින් මෙවර දෙවැන්නා වී සිටින්නේ කෙනී චෙස්නි (Kenny Chesney). ජස්ටින් ටින්බර්ලේක් (Justin Timberlake) තුන්වන ස්ථානයේ ද බොන් ජෝවි (Bon Jovi) හතරවන ස්ථානයේ ද පසුවනවා. පස්වන ස්ථානය හිමිව තිබෙන්නේ ද රෝලිං ස්ටොන් (The Rolling Stone) සංගීත කණ්ඩායමටයි. බියොන්සේ (Beyonce) මෙම වර්ගීකරණයේ හයවන ස්ථානයේ ද ම්ර්රූන් 5 (Maroon 5) හත්වන ස්ථානයේ සහ ලූක් බ්‍රයන් (Luke Bryan) අටවන ස්ථානයේ ද පසුවනවා. 2014 වසරේ වැඩිම ආදායම් උපයන අමෙරිකානු ගායකයන් ගායිකාවන් හා කණ්ඩායම් අතර නවවැන්නා වී සිටින්නේ පින්ක් (Pink). ෆ්ලීට්වුඩ් මැක් (Fleetwood Mac) දහවැන්නා වී සිටිනවා. ඔවුන් එකිනෙකාගේ ඉකුත් වසරේ ආදායම පහත පරිදීයි.