කෙතරම් අළුත් අය ආවත් ගායන ක්ෂේත්‍රයේ තමන් දැරූ කිරුළ තවමත් එලෙසම රැකගෙන සිටින නිරෝෂා විරාජිණී මාස කිහිපයක් සගවාගෙන සිටි රහසක් "කලාපූර්" වෙත අනාවරණ වුණා. ඒ මෙතෙක් කල් ගායිකාවක් හා සංගීත ගුරුවරියක් පමණක් වූ ඇය හෙට අනිද්දාම ගීත රචිකාවියක් සහ සංගීත අධ්‍යක්ෂවරියක් ලෙසත් කලඑළි දකින බවයි. "විටින් විට මා නෙතට උනනා..... කඳුළු කැටයක අරුත සෙව්වෙමි......." ඒ තමයි නිරෝෂාගේ පළමු ගීතයේ පළමු පද පේළිය. ඒ පද පේළි ගෙතී ඇත්තේ ඇගේ පෞද්ගලික අත්දැකීම් සමහරක් ද පාදක කරගෙන බවයි "කලාපූර්" වෙත වැඩිදුරටත් දැනගන්නට ලැබුණේ. මෙම ගීතය සංගීතවත් කර ඇත්තේ ද නිරෝෂාමයි. ගී පද රචක නිලාර් එන් කාසිම් විසින් රචිත අළුත්ම ගීතයක් සහ තවත් අධුනික නිර්මාණකරුවෙකු විසින් රචිත ගීතයක් ද ඇය විසින් සංගීතවත් කර තිබෙනවා. මෙම ගීත තුනම බොහෝවිට ලබන මාසයේදී එළිදැක්වීමට නියමිතයි. ඒ විතරක් නෙමෙයි නිරෝෂා චිත්‍රපටයක පසුබිම් සංගීතය අධ්‍යක්ෂනය කරන්නත් බාරගෙනලු. ඒ ගැනනම් තවම වැඩි තොරතුරක් නැහැ. හැබැයි ඒ ගැනත් අනිත් හැමෝටම කලින් ඉදිරි දවසක ඔබට වාර්තාකරන්න "කලාපූර්" සූදානම්.
EmoticonEmoticon